Am measg gnothaichean comataidh an-diugh bidh:

• Comataidh Còmhdhail, Bun-structair agus Atharrachadh Clìomaid a’ cluinntinn fianais air adhartas Riaghaltas na h-Alba air leasachadh seasmhach air a leantainn le fianais air Bile Aiseag an Fhoirthe.

• Comataidh nan Athchuingean Poblach a’ beachdachadh air athchuingean làthaireach air sreath chuspairean, nam measg còraichean daonna airson tuathanaich crodh-bainne

• Comataidh an Ionmhais a’ beachdachadh air Bile Ath-leasachadh Seirbheisean Poblach (Alba) aig Ìre 2.

• Comataidh a’ Cheartais a’ beachdachadh air dreachd aithisg Ìre 1 air Bile Seirbheisean Laghail (Alba).

Thoir sùil air an Iris Ghnothaichean airson barrachd fiosrachaidh mu choinneamhan comataidh.

Tòisichidh gnothaichean anns an t-Seòmar Diciadain aig 2f. le Àm-cnuasachaidh air a stiùireadh le Dàibhidh Duncan bho Chomhairle Eadar-chreideimh na h-Alba.

Air a’ ghnothaich diciadain bidh:
• Àm-cheistean na Buidhne Corporra
• deasbad tòiseachail air Bile Gluasad-seilbhe is Sgaoileadh Ure Elder
• deasbad Ìre 1 air Bile Smachd air Coin (Alba)
• deasbad  Riaghaltas na h-Alba air Òrdugh Ionmhas Riaghaltas Ionadail (Alba) 2010
• Gnothaichean nam Ball bho Ian McKee BPA air Stèisean Rothair a’ dèanamh Dùbhlan Ionadail de Atharrachadh Clìomaid.

Tòisichidh gnothaichean diardaoin aig 9.15m agus nam measg bidh:

• gnothaichean Ìre 3 Bhile Dìon Sealbhadair Dhachaidh is Luchd-fhiach
• Àm nan Ceist Cuspaireil  
• Ceistean a’ Phrìomh Mhinisteir  
• deasbad Comataidh Co-ionnanachd Chothrom air a h-aithisg air eucoirich bhoireann ann an siostam a’ cheartais   

• Gnothaichean nam Ball Dr Richard Simpson BPA air A' comharrachadh ciad sheachdain GP na h-Alba  

Thoir sùil air an Iris Ghnothaichean airson barrachd fiosrachaidh mu choinneamhan pàrlamaideach san àm ri teachd.

Tha a’ chiad Rìgh-chathair Cruinneach a chaidh a thogail bho chionn còrr is mìle bliadhna ri faicinn ann an Taigh an Ròid.

Chaidh an rìgh-chathair a thogail le Adrian McCurdy, neach-dèanamh àirneis às na Crìochan. Bha an dealbhadh aige stèidhichte air dealbhan de dhaoine nan suidhe air rìgh-chathraichean bho charraighean Cruithneach.

Tha e gu math iomchaidh gu bheil an Righ-chathair suidhichte ann an Pàrlamaid na h-Alba a chionn’s gun robh Rìghrean Cruithneach cho cudromach uair ann an riaghladh na h-Alba.

Chaidh an rìgh-chathair, a bhios ri faicinn sa Phàrlamaid gu deireadh a’ Mhàirt, a choimiseanadh Companaidh Glenmorangie agus le Taighean-tasgaidh Nàiseanta na h-Alba gus tuigse a bhrosnachadh air muinntir ro-eachdraidheil na  h-Alba agus an saoghal aca.

Tha an t-Seirbheis Foghlaim aig a’ Phàrlamaid a’ ruith cùrsa ùr airson tìdsearan air a bheil A-staigh Pàrlamaid.

Tha an cùrsa, a bhios ga cumail bho Chèitean 4-7 2010, na chothrom leasachadh proifeiseanta anns am faighear sealladh bhon taobh a-staigh air mar a tha a’ Phàrlamaid ag obair, cho math ri toirt a-steach cothrom goireasan ùr clas-sgoile a chruthachadh agus lìonrachadh le tìdsearan eile bho air feadh na h-Alba.     

Is dòcha gum bi A-staigh Pàrlamaid as fhreagarraiche do thìdsearan Rannsachaidhean Sòisealta, Foghlam Creideamh is Moralta no Na h-Ealain Cur-an-cèill ach thèid beachdachadh air tìdsear sam bith. Dùinidh am pròiseas iarrtais Dihaoine 5 Màrt.

Tha prògram foghlaim againn airson sgoiltean, colaistean agus buidhnean foghlaim eile a tha airson faighinn a-mach mu na tha dol ann an Taigh an Ròid. An-diugh, bidh sinn a’ cur fàite air buidhnean às na sgoiltean a leanas:  

• Bun-sgoil Uachdar Bhaile an t-Saoir ann an Siorrachd Lannraig a Deas
• Àrd-sgoil Chaitligeach Naoimh Mhungo anns an Eaglais Bhric

A bharrachd air seo, bidh luchd-obrach na Pàrlamaid a’ tadhal air:

• Sgoil Choimhearsnachd Shiabost, Eilean Leòdhais
• Sgoil Beaconhurst Drochaid Ailein faisg air Sruighlea
• Bun-sgoil ann am Farrais, Moireibh

Airson barrachd fiosrachaidh mu bhith a’ tighinn don Phàrlamaid, coimhead air na duilleagan foghlaim far am faigh thu goireasan teagaisg airson cuideachd le obair na sgoile agus geamaichean foghlaim.